Thursday 28 February 2013
ကြိုးတန်းပေါ်က ကမ္ဘာ
လျှပ်စစ်အမျှင်အတန်းတွေနဲ့ ထမင်းရည်ပူလောင်နေတဲ့ ကမ္ဘာကြီးဟာ
အသစ်တဖန်တွယ်ကပ်လာတဲ့ သွေးပြန်ကြောတွေနဲ့
ပင့်ကူအိမ် ယဉ်ကျေးမှုကြီးကို စိတ်လိုလက်ရ မွေးဖွားလိုက်ပြန်တယ်
အဲဒီပခြုပ်ထဲ......
တစ်ယောက်က အချစ်အကြောင်းပြောရင် တစ်ယောက်ကစစ်အကြောင်း
တစ်ယောက်က သတင်းတွေဖွရင် တစ်ယောက်က အတင်းတွေချ
တစ်ယောက်ကနိုင်ငံရေးဆို တစ်ယောက်ကလည်း သာရေး နာရေး ဘာရေး ညာရေး
တစ်ယောက်အတွေးမှာ တစ်ယောက်ခိုအောင်း အချိပ်အဆက်မမိတမိနဲ့ ဇာတ်ဝင်ခန်းတွေပြောင်းပြောင်းသွားကြတယ်
ဝေးဝေးမကြည့်နဲ့
ကွန်ကောင်းရင် လက်ပ်တော့ပ်လေးရှေ့ချ အလွမ်းမျက်ရည်ခခွင့်ရတဲ့ခေတ်လေ
အတင်းဝင် အတင်းထွက် စနစ်တွေ အထပ်ထပ်ကြားမှာ
ငဟတ်တွေကလည်း လစ်ရင်လစ်သလို ခေတ်အပေါ်သဝန်တိုကြသေးတယ်
အသိပညာ/အတတ်ပညာတွေ ပခုံးချင်းဝင်တိုက်နေကြတဲ့ အဲဒီကွန်ယက်ထဲ
လမ်းမတူတဲ့သူတွေလည်း လူချင်းတွေ့လို့ အလုပ်တွေဖြစ်နေကြပြီ 'ကိုချော'ရေ
ဂရပ်ဖစ်ဆန်ဆန် အပြုံးတွေနဲ့ ဒစ်ဂျစ်တယ် ဖုန်လုံးကြီးတွေနဲ့
ပရိုဂရမ်အသစ်တွေရေးနေဆဲ ကမ္ဘာကြီးရဲ့ကွန်နက်ရှင်ကြိုးတန်းပေါ်
အမည်မဖော်လိုသူတွေလည်း တွဲလောင်း ကမ္ဘာကျော်ချင်သူတွေလည်း တွဲလောင်း
ရဲရင့်လမင်း
Subscribe to:
Posts (Atom)