လူဟာ လူယောင်ဆောင်ပြီး လူ့အဖြစ်ကိုရလာတာ

ထိုက်တန်ပါရဲ့လား ခြွေချလိုက်တဲ့ ပြာတွေမှာ ဘဝတွေဟာ တစ်လိပ်ပြီးတစ်လိပ်
ဗီးနပ်(စ်)ရဲ့အိပ်ခန်းမဟုတ်ဘူး လောကရဲ့ပိတ်ကား ကြမ္မာငင်နေတဲ့ ခန်းဆီးစတွေရှိတယ်
ဆည်းလည်းသံမရှိဘူး ဒုက္ခနဲ့စပ်ချုပ်ထားတဲ့ တော်လဲသံတွေပဲ ရှိတယ်
အလေ့ကျပေါက်ပင်တွေနဲ့ ဆန့်ကျင်ဘက်ကိုဆွဲဆန့်ထားတဲ့ ပုံပျက်ပန်းပျက်
ရွှံ့စေးတုံးတွေပဲရှိတယ် ခင်ဗျားထက် ခင်ဗျားရဲ့မျက်နှာဖုံးကပိုအထာကျတယ်
အကြင်နာတရားခေါင်းပါးမှုကိုပြောတာ ငရဲကိုထိုးဆင်းသွားတဲ့ အိုးစည်သံလေးတွေကိုပြောတာ
တောင်ပေါ်မြေပြန့် သက်တံ့လေးတွေကိုပြောတာ
ဆင်ခြေဖုံးရပ်ကွက်က ပါးကွက်ကြားလေးတွေကိုပြောတာ
ညသရုပ်ဖေါ် ရှန်ပိန်ခွက်ထဲ အပူရှပ်နေတဲ့ ကြယ်တွေကိုပြောတာ
တို့မီး ရှို့မီးတွေကြီးပွားတဲ့ခေတ်မှာ အတုအယောင်တွေနဲ့ လောင်ကျွမ်းကြရ
အာလူးစားသူတွေရဲ့မျက်လုံးထဲ သဲတရှပ်ရှပ်အတွေးကို ဇာချဲ့နေမိတယ်
ဒီပင်လယ်မှာ ဒီဘဝတွေ အမှတ်လေးဆယ်မှပြည့်ပါ့မလား ကပ်စရာကမ်းမှ တွေ့ပါ့မလား
သမင်လည်ပြန်ဖနောင့်တဲ့ မနုဿစည်းဝိုင်းထဲကနေ ဒုက္ခဘာသာဗေဒနဲ့
အလိုက်သင့် ခုန်ထွက်လာတဲ့ ခြင်းလုံးလေး အမြီးအမောက်မှတည့်ပါ့မလား
ချိုပေါ့ကျတစ်ခွက်ပေးပါ မာရ်နတ်နဲ့ယက်လုပ်ထားတဲ့ကြိုးကို ဥပေက္ခာအချိုးသစ်နဲ့ နစ်နေအောင်ကျစ်ချင်လို့
ဖိတ်သမျှ စင်တဲ့လောက ကျင့်သားမရသေးတဲ့ အမှောင်ခြမ်းမှာ စိတ်ဟာ ကြောင်ကျပဲ ကျချင်တော့တယ်
ဘုရားအားဖြင့်တော့ အားလုံးဟာ ချစ်သား/သမီး တွေချည်းပါပဲ
တစ်ယောက်ကတစ်ယောက်ကို ကိုယ်ချင်းစာတရားနဲ့ ဒေါက်ထောက်ပေးလိုက်ဖို့ပဲလိုတယ်
ကမ္ဘာကြီးရေ ခင်ဗျားဝတ်မယ့်အင်္ကျီက ဘာအရောင်လဲ
အဲဒီသီချင်းကို ကျေးလက်ကလည်း ဝတ်ချင်နေတာ...ကဲ...
အဝိဇ္ဇာပန်းချီကားထဲ ကိုယ့်အတ္တကိုယ်ထည့်ဆွဲဖို့ ခင်ဗျားတို့လက်တွေ ရဲဆေးတင်ထားကြ
အကုသိုလ်ဟာလိုသလောက်ရတယ် ကြမ်းပိုးများတဲ့ကျွန်းမှာသွားကြားထိုးတံတွေပေါသလိုမျိုးပေါ့
သင့်ရဲ့လူ့အဖြစ်ကို ဖွင့်ကြည့်ပြီးပြီလား ဖွင့်ကြည့်ခွင့်ရောရပြီလား
(Nomad)လို့ခေါ်တဲ့ ခြေသလုံးအိမ်တိုင်တွေ ရေကြည်ရာ မြက်နုရာ ရွာလွန်ရွက်တိုက်နေကြဆဲ
ခန္ဓာတစ်ခုချင်းစီတိုင်းဟာ စက်ရုံတွေသာဖြစ်ရင် နေ့စဉ်နဲ့အမျှ ရယ်သံတွေပဲ ထုတ်လုပ်နေမှာပေါ့
အခုလောလောဆယ် ဘိန်းခင်းထဲက ဘိန်းပန်းတွေကတော့
ဘဝအတုတွေကိုပြုလုပ်နေပြီ စိတ်အတုတွေကိုပြုလုပ်နေပြီ
အစစ်တွေနဲ့အစပ်ဟက်တည့်ဖို့ ကမ္ဘာမြေကြီးဆွဲငင်အားနဲ့ကြွေကျနေတဲ့ သစ်သီးတွေကိုပဲ နေရာအနှံ့မြင်ချင်နေမိတော့တယ် ဆုတောင်းဟာ ဆုတောင်းပဲအမှောင်ဟာ လမ်းမရှိပဲနဲ့တော့ အလင်းဆီ သူ့အလိုလိုရောက်မလာဘူး
အဆိပ်ခွက်ထဲက သမိုင်းမှာ ဝံပုလွေတွေ လူရာဝင်ခဲ့သလို
လူသားတိုင်းရဲ့နှလုံးသားမှာ ယဉ်ကျေးတဲ့ အီကွေတာမျဉ်းတွေလည်း ဖြတ်သန်းခွင့်ရှိပါစေ
ကိုယ့်လိပ်ပြာကိုယ်သန့်ဖို့ အခုကျရောက်နေတဲ့ ခေတ်ကြီးရဲ့ တံတားကို
(Soft Power)တွေနဲ့ ခပ်ပြင်းပြင်းလေး ဖြတ်လျှောက်ပစ်လိုက်စမ်းပါ
ရုပ်ဝတ္ထုတွေ ပြန့်ကျဲနေတဲ့ ဘေးကြပ်နံကြပ်ထဲ
ဗေဒါရောင်ဆော့(ဖ်)ဝဲ(လ်)အသစ်တွေ တဆစ်ဆစ်နဲ့ အဆင့်ဆင့် ပွင့်နေတာ တွေ့လိမ့်မယ်

                                                                                                   ရဲရင့်လမင်း
                                                                                                  (01.03.2013)