Saturday 8 December 2012
ပြက်လုံး
ဘဝဟာတရားသဖြင့်လည်း ရှင်သန်တယ်
မတရားသဖြင့်လည်း ရှင်သန်ခံရတယ်
ပတ်ဝန်းကျင်က စကားနာလေစိမ်းများတယ်
မျှော်လင့်ချက်သစ်ပင်မှာ ပန်းတွေမပွင့်ဘူး
ရထားကြီးဝင်လာတယ် ရထားကြီးပြန်ထွက်ခွါသွားတယ်
အနှစ်နှစ်ဆယ်ကျော်လမ်းလေးဟာလည်း အရင်အတိုင်းဘဲ
အဟောင်းတွေ ပိုဟောင်းသွားကြတယ်
နတ်ပြည်နဲ့ငရဲကြား နေ့ရက်တွေဟာဗျာများနေတယ်
ညဟာ...အလွမ်းနဲ့စစ်ခင်းနေတယ်
''မရှိဘူး၊မသိဘူး''အဲ့သည်လိုလူတွေရဲ့လက်မှာ..
အကြင်နာတရားဟာ သွေးအေးနေတယ်
''ဤခရီးနီးပြီလား''တွေးမိတဲ့အတွေးမှာ..
စိတ်ကူးဟာအတိတ်နဲ့ နှစ်ပါးသွားနေတယ်
လရောင်ကိုတောင် မကာကွယ်နိုင်တော့တဲ့ ရိုးတံကျဲကျဲဟာ..
ငါ့နွေရာသီရဲ့နောက်ဆုံးအိနြေ္ဒဖြစ်တယ်
ပြောတော့ ပင်လယ်ဆီဦးတည်နေတာပါတဲ့
မြစ်ချောင်းတွေကိုဖြတ်ကျော်ဖို့အတွက်ကျပြန်တော့လည်း
သူတို့ဟာ...တံတားတစ်စင်းမဟုတ်ခဲ့ပြန်ဘူး..
ဘဝမှာ...
ညတာက ရှည်လွန်းတော့
အိပ်မက်တွေကလည်း များလှပေါ့...။ ။
ရဲရင့်လမင်း
Subscribe to:
Post Comments (Atom)
No comments:
Post a Comment