ခတ်အ‌ကြောင်းပြက်ရယ် / ကိုယ်‌‌စောင့်‌နတ်နဲ့ ငါနဲ့ / ဘယ်သွားသွား/ အဆင်လား ‌ပြေပါတယ်‌ / လေယာဉ်ပျံသံမကြားရတဲ့အရပ်/သမီးရေ ခေါ်သံနဲ့ မိုးလင်းချင်တယ်/ အ‌ခြေအ‌နေက‌တော့ ရ‌ထေပဲ/ အဲဒါမှ ပြဿနာ

စိတ်လိုလက်ရကျောခိုင်းမိပြန်ပြီ။ ဘဝကိုလာကုတ်ခြစ်နေတဲ့ ဂုဏ်သရေရှိမျက်နှာတွေ။ ဒီလိုပါပဲနဲ့ကဗျာတစ်ပုဒ်ဖြစ်သွားတဲ့အနေအထား/ ပျော်မနေဘူး/ ဝဋ်နာကံနာစိုက်ခင်းထဲ အသံထွက်ရယ်မောမိပြန်ပြီ။ ခေတ်ကြီးကမြိုင်တယ်။ ငါတို့ တွေက အ နေကြတာ။စိတ်လိုလက်ရအော်ဆဲမိပြန်ပြီ။ ဗေဒါတွေပွင့်နေတဲ့အချိန်/ မိုးမရွာပါစေနဲ့/ စာရွက်တွေ တဖတ်ဖတ်ပြန်လှန်ရှာတော့လဲ နေရာဟောင်းက အကွက်လိုက်/ ထီးဖွင့်ဆောင်းလိုက်တယ်/ မျက်လုံးတစ်ဖက်ပွင့်ရက်ကြီး/ အင်တာနက်ကဖေးမှာ ညလုံးပေါက် ကမ္ဘာကြီး နဲ့ပေါက်ပေါက်ဖောက်မယ်။ မမြင်ရတဲ့ကြယ်တွေကို ခိုးဝှက်ခံစားမယ်။ ပွင့်သမျှပန်းတွေကို

အရသာခံမယ်။ အရက်ခွက်တွေကို ရနံ့ တမျိုးနဲ့ အမြည်းလုပ်မိပြန်ပြီ။ သွားချင်တဲ့လိပ်စာကိုပြောတော့ ဂက်စ်မလောက်လို့ပါတဲ့ မီးပုံးပျံကပြန်ပြောသွားတယ်/ စကဒ်အနားစလေး နည်းနည်းခွဲထား/ ခိုနေတဲ့သစ်ရိပ်/ မျက်နှာသစ်လိုက်ရုံနဲ့ ပြန်သစ်မလာနိုင်တော့တဲ့ အာရုံတွေ။ မနက်ခင်းကို နာနာကျည်းကျည်းပြုံးပြမိပြန်ပြီ။ ရှောင်ရန်ဆောင်ရန်တံဆိပ်တစ်ခု/ အတုံးလိုက်အတစ်လိုက်ခုတ်ချလိုက်တဲ့ စကားလုံးတွေ/ ဂလု ခနဲမျိုမိသွားသော ဇလုတ်များ/ အာရုံကြောတွေ လေဖြတ်ကုန်တယ်/ Air Con အောက်က စိတ်အေးလက်အေးဘဝတွေထဲ ထိုးနှစ်ပျော်ဝင်ကြည့်တယ်။ နေရောင်အောက်မှာတဖောက်ဖောက်ကျနေတဲ့ နဖူးကချွေးတွေကို ကျီစယ်သလို ဖြစ်နေမလား။ မြန်နှုန်းမြင့်လာတဲ့ဆင်းရဲမွဲတေမှု။ အနှေးယာဉ်ပေါ်က ဆာလောင် မျက်လုံးတွေမှာ အကြည့်တွေ စိုက်ဝင်နေမိပြန်ပြီ။ လူတွေဟာ လူတွေပီသလွန်း/ နံရံကပ်ပန်းချီကားများ/ ပုတီးပတ်တွေများများလာသလား/ အလုပ်လေးရှိတော့ကြည့်ကောင်းတာပေါ့/ အမြစ်ပုပ်သွားတဲ့ သစ်တစ်ပင်/ တစ်တန်းကျောင်းသူဘ၀နဲ့ လူပြန်သတ်ချင်တယ်/အသွေးအသားယဉ်ကျေးမှု။ Urban Life ထဲက Money & Sex အခင်းအကျင်း။တတိယလှိုင်းနဲ့ စတုတ္ထမဏ္ဍိုင်ကြားက ညှီစို့စို့ကဗျာတစ်ပုဒ်ကို ကိုယ်ချင်းစာတရားနဲ့ပွတ်သပ်မိပြန်ပြီ။ ပါးစပ်ကြီးအဟောင်းသားနဲ့ တမေ့တမော/ ဖိနပ်ချွတ်မှာ ပုံချထားတဲ့စိတ်အရွဲ့တွေ/ ငယ်ငယ်ကထုတ်စည်းတိုးသလို ရိုးရိုးလေးရွှေ့လိုက်တဲ့ Chess/ အမုန်းဆုံးနာမ်စား/ မိုးလေမကွဲတဲ့ တောက်တဲ့တွေ/ ရိုးရာယဉ်ကျေးမှုက ကျူပင်လေးတွေလို ယိမ်းယိမ်းနွဲ့နွဲ့/ ခြေထောက်အဟောင်းကြီးမှာ ခြေလှမ်းအသစ်ကိုတပ်ဆင်။ လမ်းဟောင်းထဲ လမ်းပြောင်းပြန်မောင်းဝင်လိုက်ရုံနဲ့ ဆင်ဆာကလွတ်ရောလား။ ဒီမိုကရေစီထက်ပိုကောင်းတဲ့ နိုင်ငံရေးမရှိဖူးလားလို့ ခပ်ထေ့ထေ့တွေးမိပြန်ပြီ။ ခေတ်တစ်ခုမှာ ငါတို့တွေဟာ အနည်ကျကျောက်။ စနစ်တစ်ခုမှာ ငါတို့တွေဟာ မီးသင့်ကျောက်။ကာလတရားအပေါက်အပြဲကြီးအောက်မှာ တိုင်းပြည်ရဲ့ Side Effect တွေအဖြစ် နာနာကျင်ကျင် ဇကာအတိုက်ခံခဲ့ရတဲ့ မိဝေးဖဝေး မြစ်တွေ။ လောင်မြိုက် စီးကျနေတဲ့ ချော်ရည်တွေထဲ မိသားစုဓာတ်ပုံလေးကို ငေးမိပြန်ပြီ။/ သူလည်း သူ့ဒုက္ခနဲ့သူပဲ/ အိမ်ပြန်ချိန်တွေလက်ပြန်ကြိုးတုပ် နှုတ်ခမ်းတွေကိုဇစ်ဆွဲပိတ်လိုက်မယ်/ အထီးကျန်မှုတွေကို အစဖော်တဲ့ဆောင်း မီးပုံရှို့ပစ်လိုက်တယ်/ အခါး/ အားအားလျားလျား ကိုယ့်နဖူးကိုယ်ပြန်စမ်းကြည့်မိနေတာ အရူးပေါ့/ တံဆိပ်မပါတဲ့ ကုန်ကြမ်း/ ဆင်ခြင်တုံတရားနဲ့ လောင်ကျွမ်းနေတဲ့ ခန္ဓာ။ ငါနဲ့ငါကြား သံသယကိုတံတားတစ်စင်းလို ခင်းလျှောက်မိပြန်ပြီ။ အသံထွက် ပစ္စည်း တွေ အသံထွက်မမှန်တော့တဲ့အခါ။ ရုပ် ဝတ္ထုတွေ ရုပ်ဝတ္ထုမဆန်တော့တဲ့အခါ။ အေးစက်နေတဲ့ကော်ဖီခွက်တွေနဲ့ လူ့အဖြစ်ကို ဆန့်ကျင်မိပြန်ပြီ။ ရွှေ့စရာအကွက်မရှိတော့တဲ့အခါ စိတ္တဇလူသတ်သမားဟာ ပင်လယ်ဓားပြဝတ်ရုံကိုဝတ်ဆင်ပြီး၊ မြို့ရဲ့အမြင့်ဆုံးခေါင်မိုးပေါ်ကနေ ခုန်ချသွားခဲ့တယ်။ အထူးပြုလုပ်ချက်တွေနဲ့ ဘဝကိုအဆုံးစီရင်မိပြန်ပြီ။ စာသားအဆောက်အအုံပေါ်က စာတက်တဲ့စာခြောက်ရုပ်တွေ ခင်ဗျားတို့တကယ်ရှိနေလား။ /ထောပတ်ဘီစကစ်တွေ ပွကုန်ပြီ/ ဇာတိမာန်သီချင်းနဲ့ ညနေကိုသိမ်းလိုက်တယ်/ကိုယ့်အတ္တနဲ့ကိုယ် နောက်မီးလင်းနေတဲ့ ဇိမ်ခံကားတွေ/ ဇောရိုးမျက်နှာဖုံးနဲ့ အပျင်းပြေလျှာရှည်မိပြန်ပြီ။ လိင်စိတ်ကြွနေတဲ့ ပါဖောမန့်စ်တွေနဲ့ အနုပညာကိုခုတုံးလုပ် စင်ပေါ်တက် လမ်းမသလားကြပါနဲ့။ သူ့အရပ်နဲ့သူ့ဇာတ်ကို ယဉ်ကျေးမှုပေတံနဲ့ ခလုတ်တိုက်မိပြန်ပြီ။ သစ်ရွက်အတုတွေနဲ့ဆော့ကစားခဲ့ရလို့ ငါတို့တွေဟာ ဘဝအတုတွေမှာပိုပျော်နေကြတာလား။ တိမ်တွေလိုရွေ့နေတဲ့ ဆော့ဖ်ဝဲလ်တွေကြား အကန်းတစ်ယောက်လို စိတ်တွေကြည်နူးမိပြန်ပြီ။/ Hope Hope နဲ့အော်နေရင်း ဟုတ်ခနဲ ဟုတ်ခနဲပြုတ်ကျ/ ဖုန်းမအားတိုင်း ကိုယ့်ခေါ်နေတယ်ထင်နေတာ/ အငွေ့တထောင်းထောင်းထနေတဲ့ အသားစွတ်ပြုတ်တွေ/ ရေခဲမုန့်ကိုရေခဲသေတ္တာထဲမှာထည့် အအေးအအေးချင်းအချိုးချကြည့်/ ညှို့ရင်းငင်ရင်း ဝေ့ရင်းဝိုက်ရင်း တိုက်ရင်းခိုက်ရင်း တစ်ယောက်အမှား/တရား နဲ့ တစ်ယောက် အယားမပြေတဲ့လောကထဲ ဈာန်မရသေးတဲ့ ရသေ့တွေလို ဟန်ကိုယ့်ဖို့ တန်ခိုးပြချင်နေကြပြန်ပြီ။ စစ်အစိုးရနဲ့ ဒီမိုက‌ရေစီ 2 in 1 လုပ်ပြီး‌နောက် ရင်ဘတ်ထဲကဆန္ဒ ‌တွေ လမ်း‌ပေါ်ထွက်ထွက်လာကြတယ်။ ငြိမ်းချမ်း‌ရေး‌ဆွေး‌နွေးပွဲက ပလတ်စတစ်ပန်း‌တွေအ‌ကြောင်း ‌တွေး‌နေမိပြန်ပြီ။ / ဘာမှမဟုတ်ဘူး ဒီလူရူးနေတာ/ နတ်ဒိုးနဲ့ သိုင်းကမလို့ဆို/ နဖူးပေါ်လက်မတင်ပဲ စဉ်းစားတယ်/ မိသားစုမျှော်တဲ့ အိမ်အပြန်ချွေးနံ့/ ဒုက္ခချင်းစာပါ/ အ‌ရွေ့ဟာအရာ‌ရောက်ဖို့လိုတယ်။ ချိန်သားကိုက်ဖို့လိုတယ်။ စနစ်ကျဖို့လိုတယ်။ စည်းကမ်းရှိဖို့လိုတယ်။ မ‌‌နေနိုင်မထိုင်နိုင်အခွံချည်းသက်သက်ပွင့်‌လင်းမိပြန်ပြီ။/ နား နားပြီး ပြောရင်းက နား နားပြီး မစားရစေနဲ့ ဆိုတော့ကာ/ ဘကုန်းနောက်က ၀လုံးလိုက်နေတာ ဘာထူးဆန်းနေလဲ/ ကမ္ဘာနဲ့အပြိုင် လိုက်မလည်ပါနဲ့သံသရာရယ်/ အသံ‌တွေရဲ့လာရာ/လားရာ။ နား‌တွေကကြား/မကြား။ မျက်လုံး‌တွေက ကန်း/မကန်း။ ရင်ဘတ်‌‌တွေက ကိုယ်ချင်းစာတရား ရှိ/မရှိ။ ခံစားချက်ကဘယ်လို။ ခံယူချက်ကဘယ်ပုံ။ ဘယ်လမ်းကိုသွား‌နေတာလဲ။ ဘာ‌တေးကိုဆို‌နေတာလဲ။ အရှင်လတ်လတ် စက်ရုပ်တစ်ရုပ်လို ‌ခြေ‌တွေ လက်‌‌တွေ။ တိရိစ္ဆာန်တစ်‌‌ကောင်လို ရိုင်းစိုင်းရန်လိုမှု‌တွေ။ ဖျတ်လတ်တယ်။ သန်မာတယ်။ လင်းတယ်။ လန်းတယ်။ အမြင်အားဖြင့်‌ဆန်းကြယ်တယ်။ ကြယ်တာရာစစ်ပွဲ။ ‌မြေပြင်က‌နေ ‌ကောင်းကင်ဆီ တခုတ်တရ ကျူး‌ကျော်မိပြန်ပြီ။/ ပတ်တီးအောက်က တယုတယအနာတွေနဲ့ နေ့တွက်တွက်နေရသတဲ့/ အလို...ငါဘာတွေရေးနေမိပါလိမ့် ရပ်ဖို့ကောင်းနေပြီ/ မစ္ဆရိယ‌တွေပွတ်တိုက်‌‌နေတဲ့လူ့‌လောက။ ခြံတိုင်‌‌ပြေး‌ပြေးကိုက်‌‌နေတဲ့ လူလိုလိုအ‌ကောင်‌‌တွေ။ ဝှက်ထားတယ်။ အစွယ်‌‌တွေကို ဝှက်ထားတယ်။ လက်နက်‌‌တွေကို ဝှက်ထားတယ်။ ပေါင်မုန့်‌တွေကိုဝှက်ထားတယ်။ ‌နောက်ဆုံးငါ့ကိုယ်ငါပြန်ဝှက်ထားလိုက်တယ်။ စကြဝဠာဆိုင်ရာ ကဗျာတစ်ပုဒ်ထဲမှာ။/ ပြောနေရင်း လက်က ဆက်ရွေ့/ ..../...../....../ တစ်နေရာရောက်ရင်တော့ ပုဒ်မ သို့မဟုတ် full stop ဟာ ချကိုချရမယ့် အဆုံးသတ်။            ။

                                                                                                          ရဲရင့်လမင်း၊ ရွှေမိုးမြူ