ဟော့ဒီမနေနိုင်မထိုင်နိုင် ပါးစပ်ကြီးကို ဖျာချုပ်အပ် ကြီးနဲ့ ဆွဲချုပ်ပစ်လိုက်တော့မယ်။
သွားရည်တွေတမြားမြားကျနေတဲ့ လျှာကြီးကို အူပါအခွေလိုက်ပါလာအောင်
စောင့်ဆွဲပြီး မြေပေါ်အထွေးလိုက်ပုံချပေးလိုက်တော့မယ်။
သွားတွေက ခေတ်ကိုတကျွတ်ကျွတ်ဝါးဖို့ ပလက်ဖောင်းပေါ်ခုန်ဆင်းသွားပြီ။
အသက်ရှုလိုက်တိုင်း အဆုတ်နဲ့ လာလာငြိနေတဲ့ အောက်ဆီဂျင်ဖတ်တွေ။
အစာမကျေဘူး။ကမ္ဘာမကျေဘူး။
အစာအိမ်ထဲ စစ်အုပ်ချုပ်ရေးပေတံတွေအတောက်လိုက် ကန့်လန့်ကြီး။
ဒစ်ဂျစ်တယ်ဒိုင်ခွက်ပေါ်ပြေးလွှားနေတဲ့ သင်္ကေတတွေ၊မော်နီတာပေါ်မှာ ဂျမ်းဖြစ်နေတဲ့ ဂရပ်ဖ်မျဉ်းတွေ၊
အရေးပေါ်နှလုံးရှော့ရိုက်သံတွေ အားလုံးတိတ်ဆိတ် ငြိမ်သက်သွားပြီ။
စက်တပ်ထားတဲ့ နှလုံးက တရုတ်မှာ ခဏရပ်တယ်။
အီဂျစ်မှာ တထောက်နားတယ်။
အထက်အမိန့်ရတော့ ဆက်လည်တယ်။
လက်ဖျံရိုးတွေက မိတ်အင်ဂျပန်။
အသွေးအသားက ယူအက်စ်အေ။
ဆီးနဲ့ အရေပြားကိုတော့ မြောက်ကိုးရီးယားက လှမ်းမှာထားတယ်။
လိုချင်တဲ့နက္ခတ်နဲ့မွေးဖို့စကြဝဠာထဲက ဂြိုဟ်ကြီးတွေကိုလည်း လိုချင်တဲ့ ဖွဲ့စည်းပုံရအောင် ပြုပြင်ပြီးပြီ။
ကိုးကွယ်ရာဘာသာတရားကိုတော့ မဲခွဲဆုံးဖြတ်မယ်။
ဂျာမဏီက ခြေတုလက်တုတွေရောက်ရင် ဒီကောင်ကြီးအလုပ်ဖြစ်ပြီ။
ဆံပင်ကိုတော့ ပြည်တွင်းဖြစ်ပဲ သုံးမယ်။
ဦးဏှောက်ထဲ အိုင်ဆိုဒိုဇင်းတွေ ထိုးသွင်းပြီးပြီလား။
ယူကေက မျက်လုံးတွေလည်းမိုက်တာပဲ။
မျက်တောင်တွေကိုတော့ ဂျူး ဆန်စေချင်တယ်။
နှုတ်ခမ်းမွေးကိုတော့ ဟစ်တလာပုံသာ တန်းညှပ်လိုက်။
အသံအိုးထဲအာဏာရှင်လေသံတွေဖြည့်ပြီး အသံစမ်းလိုက်ဦး။
ခေါင်းထဲက လွတ်နေတဲ့ အကန့်တွေမှာ ဝါဒပေါင်းစုံကို ဖြတ်ညှပ်ကပ် လုပ်ပေးလိုက်။
အတွင်းခံ ကိုတော့ အာဖရိက ကရှယ်မှာထားတယ်။
တောင်ကိုးရီးယားက နားစည်တွေရောက်ရင် လိုအပ်တဲ့ အသားစိုင်တွေအတွက်ဒင်းကို ထိုင်းပို့ရမယ်။
စပွန်ဆာကိုတော့ ရုရှ ကလက်နက်ကုမ္ပဏီတွေ ကိုပေးလိုက်ပြီ။
တိုက်ရည်ခိုက်ရည်အထူးပြည့်ဝနေတဲ့ ကစားသမားအသစ်တစ်ယောက်။
မြို့စွန်က တိုက်ခေါင်မိုးတွေပေါ်မှာ စနိုက်ဘာတစ်လက်နဲ့ သူ့ကို ဖမ်းဖို့ Robo Cop ကိုလွှတ်ထားတယ်။
.
ရဲရင့်လမင်း
+95 ကဗျာစာအုပ်မှ........
(ပြည်ပရောက်မြန်မာလူငယ်တို့၏ကဗျာများ)
No comments:
Post a Comment